སྟོན་གྱི་ཁ་བ། ཞར་བཀོད་གཅིག
ཞྭ་ནག་པ། གསེར་ཐང་།
ངོ་སྤྲོད་མདོར་བསྡུས། ཞྭ་ནག་པ། ༡༩༩༩ལོར་ཕ་ཡུལ་གསེར་ཐང་རགས་བཀྲམ་གྱི་ཁྱིམ་ཚང་ཕལ་བ་ཞིག་ཏུ་སྐྱེས། དངོས་མིང་ལ་གཞན་ཕན་ཉི་མ་ཟེར། ༢༠༡༠ལོར་རགས་བཀྲམ་ཨ་མའི་གཅེས་སྐྱོང་སློབ་གྲྭར་ཞུགས། ༢༠༡༧ལོའི་ཡས་མས་ནས་བོད་ཀྱི་རྩོམ་རིག་ལ་སྦྱང་བ་ཅུང་ཙམ་བྱས་ཤིང་བརྩམས་ཆོས་རེ་འགའ་«མཆོད་མེ་བོད་ཀྱི་རྩོམ་རིག་དྲ་བ་»དང་«ཤྭ་སྐྱ་»དུས་དེབ་སོགས་སུ་བཀོད་མྱོང་།
སྟོན་གྱི་ཁ་བ། ཞར་བཀོད་གཅིག
ཞྭ་ནག་པ། གསེར་ཐང་།
གསེར་ཐང་གི་ཁ་བ
ཁྱོད་དང་བར་ཐག་ཤིན་ཏུ་རིང་ནའང
ཉི་མ་ལྷ་སའི་བར་སྐོར་གླིང་དུ
ཉི་འོད་ཀྱིས་གསོས་པའི་མེ་ཏོག་ཤིན་ཏུ་མང་བས
ཁྱོད་རང་སྨྲེང་དགོས་དོན་ཅི་ཡང་མེད
ཁྱོད་ཀྱི་མཛུབ་རྩེ་ནས་ཟགས་པའི་ཡི་གེའི་འོད་ཟེར་གྱི་ནང་དུ
ང་ལ་དབང་བའི་འབྲུ་ག་ཚོད་ཡོད
སྟོན་ཁ་སླེབས་རྗེས སྙན་ངག་འདིའི་ནང་དུ་ཁྱོད་རང་འབྲི་དོན
དབྱངས་དང་གསལ་བྱེད་ལ་འབྲེལ་བ་འདུག་ཨང
༢༠༢༥-༡༠-༢༠ཉིན།
རྒྱང་རིང་བལྟས་པ།
སྟེས་དབང་གིས
ངས་གནམ་མཐའི་གངས་རི་ལ་བལྟ་དགོས་བྱུང
བར་སྐོར་གླིང་གི་མི་ཚོགས་ལ་བལྟ་དགོས་བྱུང
ལྷོད་ལ་དང་སྙན་དྲགས་པའི
སྐད་ཆའི་ནང་གི་གུས་ཚིག་དེ་གས
རང་ཉིད་སྐུ་དྲག་དང་རྒྱལ་སྲས་ཤིག་ཏུ་བློས་བསླང་བྱས
ཆེས་མཐའ་མཇུག་གི་དུས་ཚོད་དེ་དག
ངས་རྒྱང་ལྟའི་ཁྲོད་ཀྱི་མི་ཚོགས་དང་འདྲེས་ན་བསམ
2025-10པར།
རྩོམ་སྒྲིག་པ། འཕགས་མི།
མཐོང་གྲོལ་དྲ་རྩོམ་དག་རྩོམ་བདག་དང་དྲ་བདག་གིས་ཆོག་མཆན་མེད་པར་རང་དགར་མི་འཁྱེར་བར་མཁྱེན།
 |
|
Signature is customized by Netease
